ഋഷി പഞ്ചമി മഹോത്സവം 2025
വിശ്വകർമ്മ സേവാ ട്രസ്റ്റിന്റെ ആഭിമുഖ്യത്തിൽ നടക്കുന്നു ശ്രീമദ് വിശ്വബ്രഫ മഹായജ്ഞവും ഋഷി പഞ്ചമി മാസാചരണവും
പ്രോഗ്രാമിന്റെ ഭാഗമായിട്ട് കുമ്മനം രാജശേഖരനെ സന്ദർശിച്ചു
കോട്ടയം | ജൂലൈ 17, 2025
പഞ്ചാമഹാ യജ്ഞത്തിന്റെ ഭാഗമായി ഓഗസ്റ്റ് 23-ന് നടക്കാനിരിക്കുന്ന ഋഷി പഞ്ചമി മഹോത്സവത്തിന്റെ ഉത്ഘാടനാഘോഷത്തോടനുബന്ധിച്ച്, വിശ്വകർമ്മ സേവ ട്രസ്റ്റിന്റെ പ്രതിനിധികൾ ഭാരതീയ ജനതാപാർട്ടിയുടെ മുതിർന്ന നേതാവായ ശ്രീ. കുമ്മനം രാജശേഖരനെ അദ്ദേഹത്തിന്റെ ഭവനത്തിൽ സന്ദർശിച്ചു. മഹോത്സവത്തിന്റെ ഉത്ഘാടനം നിർവഹിക്കാനായി അദ്ദേഹത്തെ ഔപചാരികമായി ക്ഷണിക്കുകയായിരുന്നു.
വിശ്വകർമ്മ സേവ ട്രസ്റ്റിന്റെ പ്രസിഡന്റ് പി.റ്റി. രവിക്കുട്ടൻ ആചാരി, സെക്രട്ടറി ശ്രീ. ജയചന്ദ്രൻ, ട്രഷറർ ടി.പി. മോഹനൻ, ശ്രീ. പനച്ചിക്കാട് സദാശിവൻ, ശ്രീ. ബിനു പുള്ളുവേലിക്കൽ എന്നിവർ ചേർന്നാണ് ക്ഷണം നൽകിയത്.
വിശ്വകർമ്മ സമുദായത്തിന്റെ ആത്മീയവും സാംസ്കാരികവുമായ മൂല്യങ്ങളെ ഉയര്ത്തിപ്പിടിക്കുന്നതിനുള്ള വിശിഷ്ടമായ അവസരമായി ഇത്തവണത്തെ ഋഷി പഞ്ചമി മഹോത്സവം ഒരുക്കുന്നതാണ്. പ്രഗത്ഭരുടെയും വിശ്വാസികളുടെ സാന്നിധ്യത്തിലുണ്ടാകുന്ന ഉത്ഘാടനച്ചടങ്ങ് മഹോത്സവത്തിനൊരു ഉജ്ജ്വല തുടക്കം നൽകുമെന്ന് സംഘാടകർ പ്രതീക്ഷിക്കുന്നു

