തൃപ്തിപ്പെടുത്താന്‍വേണ്ടി ചെയ്യുന്നത്‌ -അര്‍പ്പിക്കുന്നത്‌ എന്തോ അത്‌ തര്‍പ്പണം. പിതൃക്കളുടെ തൃപ്തിക്കായി ‘സ്വധാ’ ശബ്ദത്തോടുകൂടി അന്നവും ജലവും നല്‍കുന്നതാണ്‌ തര്‍പ്പണം. ദേവന്മാര്‍ക്കും ഇത്തരൂണത്തില്‍ ചെയ്യേണ്ടതാകുന്നു. ദേവതകള്‍ക്ക്‌ അക്ഷതമിശ്രിത ജലത്താലും പിതൃക്കള്‍ക്ക്‌ തിലമിശ്രിതജലത്താലും അഞ്ജലി നല്‍കണം.
പ്രാതകാലത്തില്‍ കിടക്കയില്‍നിന്നെഴുന്നേറ്റു ശയചാദികളില്‍നിന്നും നിവൃത്തിനേടി കുളത്തിലോ തടാകത്തിലോ നദിയിലോ അവനവന്‍ സൗകര്യാനുസൃതം കുളിച്ച്‌ ദേഹശുദ്ധി വരുത്തി ശുഭ്രവസ്ത്രം ധരിച്ച്‌ കിഴക്കഭിമുഖമായി കുശാസനത്തിലിരുന്ന്‌ 3 പ്രാവശ്യം ആചമിച്ച്‌ സന്ധ്യോപാസനയും നടത്തി ജലത്തിനടുത്തോ സമീപത്ത് ജലം വെച്ചോ കൈകളില്‍ പവിത്രം ധരിച്ച്‌ കയ്യിൽ ത്രികുശം, തിലം, അക്ഷതം ഇവ വഹിച്ച്‌ സ്ഥല കാല ഗോത്രാദിസങ്കല്പം ചെയ്ത് പിതൃക്കളെ ആവാഹിച്ച്‌ കുശാസനം നല്‍കീ ഓരോ അഞ്ജലി നല്‍കുന്നതാണ്‌ തര്‍പ്പണം. ആദ്യം ദേവതര്‍പ്പണം, ശേഷം മനുഷ്യപിതൃതര്‍പ്പണം എന്ന ക്രമത്തില്‍ വിധിയാംവണ്ണം ചെയ്യണം. മാതാപിതാക്കരം വഴി തന്റെ നാല് പൂര്‍വ്വതലമുറയില്‍പ്പെട്ട എല്ലാ മരിച്ചുപോയവര്‍ക്കും വേണ്ടി ചെയ്യണം. എല്ലാവര്‍ക്കും തിലമിശ്രിതജലത്താല്‍ മുമ്മൂന്ന്‌ അഞ്ജലി നല്‍കി ഭീഷ്മ തര്‍പ്പണവും ചെയ്ത് സൂര്യ പ്രണാമവും പിതൃവിസര്‍ജ്ജനവും ചെയ്ത് സര്‍വ്വ കര്‍മ്മവും ഭഗവാന്‌ സമര്‍പ്പിക്കുന്നതോടുകൂടി പൂർത്തിയാകുന്നു.
”ഏകൈകസ്യതിലൈര്‍ മിശ്രാം-
സ്ത്രീൻ സ്ത്രീൻ ദല്ലജ്ജലാഞ്ജലീൻ
യാവജ്‌ജീവകൃതം ചാപം
തത്ക്ഷണാ ദേവ നശ്യതി”
ഓരോ പിതൃക്കള്‍ക്കും തിലമിശ്രിതജലത്താൽ മുമ്മുന്ന് അഞ്ജലി പ്രദാനം ചെയ്യുവിന്‍. ഇങ്ങിനെ തര്‍പ്പണം ചെയ്യുന്നതിലൂടെ ജ ന്മാരംഭം മുതൽ തര്‍പ്പണദിവസം വരെയുള്ള പാപം മൂഴുവൻ ആ സമയം നഷ്ടപ്പെടുന്നു.
എന്നാൽ
“അത്തരപ്പിതാ:ശരീരാദ് രുധിരം പിബന്തി”